काठमाडौं महानगरपालिकाद्धारा त्रिविलाई १० थान भेन्टिलेटर सहयोग

काठमाडौं, २५ बैशाख । काठमाडौं महानगरपालिकाकाले त्रिभुवन विश्वविद्यालय शिक्षण अस्पताललाई १० वटा भेन्टिलेटर सहयोग उपलब्ध गराएको छ ।

भेन्टिलेटरको अभावमा कोभिड संक्रमितको उपचारका लागि समस्या परेको समाचार आइरहेका बेला महानगरले १० वटा भेन्टिलेटर सहयोग गरेको हो ।

महानगरका मेयर विद्या सुन्दर शाक्य, उपमेयर हरिप्रभा खड्गी र वडा नम्बर ३ का अध्यक्ष शनिबार अस्पताल परिसर पुगी भेन्टिलेटर हस्तान्तरण गरेका हुन् ।

हस्तान्तरण कार्यक्रममा बोल्दै मेयर शाक्यले अदृश्य शक्तिको रुपमा अगाडि आएको कोभिड १९ विरुद्ध लडाईमा सबै नेपाली एकजुट भएर लाग्नुपर्ने बताए ।

यो बाहेक कुनैपनि सहयोग तत्काल चाहियो भने काठमाडौं महानगरपालिकालाई एउटा सहयोगी संस्थाको रुपमा बुझिदिन उनले आग्रह गरे।


LEAVE A REPLY

Please enter your comment!
Please enter your name here