काठमाडौं । बेलायती राजा चार्ल्सलाई एक प्रकारको क्यान्सर भएको पुष्टी भएको छ । बकिङ्गम दरबारले यसको सार्वजनिक जानकारी गराएको छ । प्रस्टेट बढेपछि जाँच गर्दा क्यान्सर पत्ता लागेको भए पनि यो प्रस्टेट क्यान्सर नभएको जनाइएको छ। क्यान्सरको प्रकार खुलाइएको छैन् तर दरबारको वक्तव्यअनुसार राजाले सोमवारबाट नियमित उपचार थालेका छन्।
क्यान्सरको चरण वा अवस्थाबारे अहिले खुलाइएको छैन। पचहत्तर वर्षीय राजा सार्वजनिक गतिविधिमा सहभागी हुने छैनन्। उनको उपचारको समयमा रानी कमिला एवं राजकुमार विलियमले राजकीय दायित्वहरू निर्वाह बताइएको छ । तर बकिङ्गम दरबारले राजा आफ्नो उपचारप्रति पूर्ण रूपमा सकारात्मक रहेको र जतिसक्दो चाँडो सार्वजनिक जिम्मेवारीमा फर्किन इच्छुक रहेको जनाएको छ।
सार्वजनिक कार्यक्रमहरूमा सहभागी नभए पनि राजाले राष्ट्रप्रमुखको आफ्नो संवैधानिक उत्तरदायित्वलाई भने निर्वाह गरिरहने छन्। आइतवार उनलाई सान्ड्रिङ्गममा एउटा गिर्जाघरको प्रार्थानासभामा देखिएको थियो। त्यहाँ उनले मानिसहरूतिर हेरेर हात हल्लाएका थिए। उनले लन्डनस्थित एउटा निजी अस्पतालमा एक साताभन्दा केही समयअघि प्रस्टेटको उपचार गराएका थिए।
राजाले आफ्नो प्रस्टेट उपचारलाई सार्वजनिक गर्ने निर्णय अरू मानिसहरूलाई पनि प्रस्टेट जाँच गराउन प्रेरित गर्ने उद्देश्यले लिएको बताइएको छ। उनले आफू यसबारे चेतना जगाउन पाउँदा प्रसन्न भएको बताइरहँदा ब्रिटेनको स्वास्थ्य संस्था एनएचएसको वेबसाइटका अनुसार प्रस्टेटसँग सम्बन्धित समस्या बढेको देखिएको छ। यो प्रस्टेट क्यान्सर नभएको बुझिएको छ तर प्रस्टेट बढेको उपचार गराउने क्रममा पत्ता लागेको हो। उनले निरन्तर उपचार जारी राख्ने छन् तर क्यान्सर प्रारम्भिक चरणमा ने हुँदा हुँदा पत्ता लागेको विश्वास गरिएको छ।
