काठमाडौं । शेयर बजार झिनो अंकले बढेको छ । साताको कारोबारको तेस्रो दिन नेप्से परिसूचक ९.४४ अंकले बढेर २०८५.७१ विन्दुमा पुगेको हो ।
यसदिन ३१५ कम्पनीको २ अर्ब ५९ करोड १५ लाख ३४ हजार ९०७ रुपैयाँ बराबरको ७६ लाख २४ हजार ३७६ कित्ता शेयर किनबेच भएको छ ।
कारोबारमा आएका १३ वटा उपसमूहमध्ये ११ समूहको परिसूचक बढेको छ भने २ को परिसूचक घटेको छ । आज पनि हिमालयन रि-इन्स्योरेन्सको सर्वाधिक कारोबार भएको छ ।
१ करोड ३७ लाख बढीको शेयर किनबेच भएको छ । ४ कम्पनीको शेयर मूल्यमा पोजेटिभ सर्किट लागेको छ ।
