काठमाडौं । सोमबारदेखि उकालो लागेको शेयर बजार आजपनि झिनो अंकले बढेको छ ।
साताको कारोबारको अन्तिम दिन नेप्से परिसूचक ५.७४ अंकले बढेर २०९६.३८ विन्दुमा पुगेको हो ।यसदिन ३१७ कम्पनीको ३ अर्ब २१ करोड २२ लाख ८३ हजार ४५३ रुपैयाँ बराबरको ९१ लाख ७१ हजार ७१० कित्ता शेयर किनबेच भएको छ ।
कारोबारमा आएका १३ वटा उपसमूहमध्ये ९समूहको परिसूचक बढेको छ भने ४ को परिसूचक घटेको छ । आज पनि हिमालयन रि-इन्स्योरेन्सको सर्वाधिक कारोबार भएको छ ।
१ करोड ८८ लाख बढीको शेयर किनबेच भएको छ । ४ कम्पनीको शेयर मूल्यमा पोजेटिभ सर्किट लागेको छ । बढ्दो बजारमा आज २ कम्पनीको सेयर मूल्यमा पोजेटिभ सर्किट लागेको छ । समाज लघुवित्त, बुद्धभूमि नेपाल हाइड्रोपावरको शेयर मूल्य १० प्रतिशतले बढेको छ ।
