काठमाडौं । गत सोमबारदेखि उकालो लागेको शेयर बजार आज भने दोहोरो अंकले घटेको छ ।
साताको कारोबारको पहिलो दिन नेप्से परिसूचक १०.५० अंकले घटेर २०८५.८२ विन्दुमा पुगेको हो । यसदिन ३०५ कम्पनीको ४ अर्ब ८ करोड ५६ लाख ७८ हजार ४७२ रुपैयाँ बराबरको १ करोड ५ लाख ७१ हजार १९९ कित्ता शेयर किनबेच भएको छ ।
कारोबारमा आएका १३ वटा उपसमूहमध्ये ३ समूहको परिसूचक बढेको छ भने १० को परिसूचक घटेको छ । आज पनि हिमालयन रि-इन्स्योरेन्सको सर्वाधिक कारोबार भएको छ ।
यसको ६ करोड २४ लाख बढीको शेयर किनबेच भएको छ । २ कम्पनीको शेयर मूल्यमा पोजेटिभ सर्किट लागेको छ ।
