काठमाडौं । बैजनाथ गाउँपालिका-८, थपवा, बाँकेको शंकर माध्यमिक विद्यालयका प्रधानाध्यापक मुहम्मद युनुस खाँ भ्रष्टाचार मुद्दामा दोषी ठहर भएका छन्।
विशेष अदालतका अध्यक्ष टेकनारायण कुँवर, तेजनारायणसिंह राई र मुरारीबाबु श्रेष्ठको इजलासले खाँई दोषी ठहर गर्दै बिगो ३ लाख २ हजार रुपैयाँ असुल गरी त्यति नै जरिवाना तथा ६ महिना कैद हुने फैसला गरेको हो।
जिल्ला शिक्षा कार्यालय, बाँकेबाट २०६८ देखि २०७४ सम्ममा छात्रवृत्ति र कम्प्युटर खरिदको लागि प्राप्त रकम हिनामिना गरेको विशेष अदालतको ठहर छ।
