काठमाडौं । काठमाडौंका विभिन्न ठाउँमा फोहोर टिप्ने बहाना बनाई दिउँसोको समयमा चोरी गर्ने गिरोहलाई प्रहरीले पक्राउ गरेको छ । पक्राउ परेका एक महिला र ४ पुरुष सबै भारतीय हुन् ।
काठमाडौं उपत्यका अपराध अनुसन्धान कार्यालयको टोलीले चोरीका गरगहनासहित उनीहरूलाई पक्राउ गरेको हो । पक्राउ पर्नेहरूमा भारत समस्तीपुर मोहदीनगरका २६ वर्षीय लक्का भन्ने विकास पोदार, बेगुसरा बरौनीका २८ वर्षीय जितेन्द्र पोदार, बिहारका २७ वर्षीय भाइलाल पोदार, समस्तीपुर विद्यापतीका सञ्जय पोदार र समस्तीपुरका ५० वर्षीया मञ्जुदेवी पोदार छन् ।
