काठमाडौं । शेयर बजार झिनो अंकले बढेको छ । साताको कारोबारको दोस्रोदिन नेप्से परिसूचक ३.२७ अंकले बढेर २०७३.५३ विन्दुमा पुगेको हो ।
यसदिन ३०३ कम्पनीको २ अर्ब ८८ करोड ५६ लाख ३७ हजार ८१८ रुपैयाँ बराबरको ७४ लाख ५९ हजार ४२४ कित्ता शेयर किनबेच भएको छ ।
आज कारोबारमा आएका १३ वटा उपसमूह मध्ये ४ वटा बाहेक सबैको परिसूचक बढेको छ । आज गोर्खा फाइनान्सको सर्वाधिक कारोबार भएको छ । यसको २३ करोड १४ लाख रुपैयाँ बढिको २ लाख ९२ हजार ३८० कित्ता सेयर किनबेच भएको छ ।
बढ्दो बजारमा आज ५ कम्पनीको शेयर मूल्यमा पोजेटिभ सर्किट लागेको छ । गोर्खा फाइनान्स, सप्तकोशी डेभलपमेन्ट बैंक, पाँचथर पावर, धौलागिरि लघुवित्त र पिपुल्स हाइड्रोपावरका शेयरधनीले १० प्रतिशत कमाएका छन् ।
