काठमाडौं । फिनल्याण्डले लगातार सातौं वर्ष विश्वको सबैभन्दा खुसी देशको उपाधि जितेको छ । विश्वव्यापी चुनौतीहरूको बाबजुद फिनल्याण्डले लगातार खुसी देश बनेको हो ।
वर्ल्ड ह्याप्पीनेस रिपोर्ट अनुसार डेनमार्क, आइसल्याण्ड र स्वीडेन फिनल्याण्डभन्दा पछाडि रहेको देशहरू सबैभन्दा खुसी देशहरूको सूचीमा वर्चस्व कायम राख्दै आएका छन् ।
यसको विपरित, राजनीतिक अस्थिरताका कारण गम्भीर मानवीय संकटको सामना गरिरहेको अफगानिस्तान सर्वेक्षणमा समावेश भएका १४३ देशमध्ये सबैभन्दा तल्लो स्थानमा रहेको छ । वर्ल्ड ह्याप्पिनेस रिपोर्ट हरेक वर्ष २० मार्चमा प्रकाशित हुन्छ।
जसलाई विश्व खुशी दिवस भनिन्छ । प्रतिवेदनले विश्वभरका देशहरूमा खुसीलाई मापन गर्दछ र खुशी र कल्याणमा योगदान गर्ने कारकहरूको बारेमा जानकारी प्रदान गर्ने लक्ष्य राखेको छ। नयाँ प्रतिवेदन विगतका वर्षको तुलनामा निकै फरक छ ।
यसअघिका प्रतिवेदनमा अमेरिका र जर्मनी शीर्ष २० खुसी देशको सूचीमा परे पनि यसपटक भने सूचीबाट बाहिरिएका छन् । अमेरिका २३ औं स्थानमा छ ।
जर्मनी २४ औं स्थानमा छ । सूचीको शीर्ष स्थामा नर्डिक मुलुक छन्। नेपाल ९३ औँ स्थानमा छ। छिमेकी भारत १२६ औँ स्थानमा छ भने उत्तरी छिमेकी चीन ६० औँ स्थानमा सूचीमा रहेका १४३ मुलुकमध्ये अफगानिस्तान सबैभन्दा पुछारमा छ।
