काठमाडौं । शेयर बजार दोहोरो अंकले घटेको छ । साताको कारोबारको दोस्रोदिन नेप्से परिसूचक ६.२६ अंकले घटेर २०१२.०७ विन्दुमा झरेको हो ।
यसदिन ३१५ कम्पनीको २ अर्ब ८७ करोड ४७ लाख ५४ हजार ३०५ रुपैयाँ बराबरको ७२ लाख ९० हजार २०० कित्ता शेयर किनबेच भएको छ । आज कारोबारमा आएका १३ वटा उपसमूह मध्ये २ वटा बाहेक सबैको परिसूचक घटेको छ ।
आज सर्वोत्तम सिमेन्टको शेयर सर्वाधिक कारोबार भएको छ । यसको ४७ करोड रुपैयाँ बढीको शेयर किनबेच भएको छ । घट्दो बजारमा आज दुई कम्पनीको शेयर मूल्यमा पोजेटिभ सर्किट लागेको छ । मायाखोला हाइड्रोपाव र गुराँस लघुवित्तका शेयरधनीले ठ्याक्कै १० प्रतिशत कमाएका छन् ।
आज रिभर्स फल्स पावरका शेयरधनीले भने सर्वाधिक ९.९८ प्रतिशत गुमाएका छन् ।
