काठमाडौं । कलाकार पल शाहले चलचित्र ‘पुजार सार्की’मा आफूले निर्वाह गरेको भूमिकाको तस्बिर सार्वजनिक गरेका छन् ।
जातीय विभेदविरुद्ध संघर्ष गर्ने पात्रको भूमिका निभाएका छन् । यसअघि सार्वजनिक बन्दुक बोकेको लुक्समा देखिएका पलको नयाँ लुक्समा फुलेको दार्हीसहितको गेटअपमा देखिएका छन् । ‘आज मैले पुजार सार्कीमा मेरो अभिनयबाट यो तस्बिर सार्वजनिक गरेको छु ।
यो तस्बिरबाट तपाईंले मेरो भूमिका कति गहन र अर्थपूर्ण छ भनेर पक्कै अनुमान लगाउनुहुनेछ,’ उनले सामाजिक सञ्जाल फेसबुकमा लेखेका छन् । चलचित्र जेठ १० गते रिलिज हुँदैछ ।
