काठमाडौं। गृहमन्त्री रमेश लेखकले नेपाल प्रहरीलाई जनताको मुद्दा बोक्न निर्देशन दिएका छन्। सोमबार जिल्ला प्रहरी परिसर काठमाडौंको नवनिर्मित भवन तथा भौतिक पूर्वाधारहरूको उद्घाटन कार्यक्रमलाई सम्बोधन गर्दै उनले यस्तो निर्देशन दिएका हुन ।
सो अवसरमा मन्त्री लेखकले सरकार बनेको सय दिनमा १० वटा काम गर्ने योजनासहित काम गरिरहेको जानकारी दिए ।
नागरिकले राज्यबाट पाउने आधारभूत सेवामा प्रहरी जोडिएको छ भन्दै उनले जिल्ला प्रहरी परिसर काठमाडौंको नवनिर्मित भवनबाट जनताले उचित सेवा पाउने विश्वास व्यक्त गरे ।
यो भवनले नेपाल प्रहरीले गर्ने सेवामा ठूलो सहयोग पुर्याउने विश्वास उनले व्यक्त गरे ।
