काठमाडौं । साताको पहिलो कारोबार दिन आईतबार नेपाल स्टक एक्सचेन्ज (नेप्से) परिसुचक दोहोरो अंकले उकालो लागेको छ । आज ११.५८ अंकले उकालो लाग्दा सेय बजार २५ सय ८८.३५ को विन्दुमा उक्लिएर रोकिएको हो ।
यसदिन ३ सय २५ कम्पनीका १ करोड २४ लाख ८५ हजार ७ सय ३१ कित्ता सेयर किनबेच भएको छ जसबाट ९ अर्ब ९ करोड २९ लाख ४८ हजारको कारोबार भएको हो।
कारोबारमा आएकामध्ये वित्त, होटल तथा पर्यटन, उत्पादनमुलक, लघुवित्त र म्युचुअल फण्डबाहेकका सबै समुहको परिसुचक उकालो लागेको छ ।
आज १ सय ३८ कम्पनीको सेयरमुल्य बढेको छ। त्यस्तै ९४ कम्पनीको सेयरमूल्यमा गिरावट आएको छ ।
