काठमाडौं । आइतबार पनि राहदानी वितरणको काम रोकिएको छ । आइतबारदेखि सेवा पुनः सुरु गर्ने भनिएपनि राहदानी विभागले आइतबार सूचना जारी गर्दै विभागको मुख्य कार्यालय, जिल्ला स्थित प्रशासन कार्यालयहरू र विदेशस्थित नेपाली नियोगहरूबाट राहदानी सेवा प्रभावित नै रहेको जानकारी दिएको छ ।
विभागले सेवाग्राहीलाई परेको मर्काका लागि क्षमायाचना पनि गरेको छ । विभागका अनुसार समस्या समाधानका लागि प्राविधिक टोलीले निरन्तर काम गरिरहेकाले छिट्टै सेवा सुरु हुने छ ।
बुधबारदेखि नै राहदानी वितरणको सबै कामकाज ठप्प छ ।
