काठमाडौं । मंगलबार सुनको भाउ फेरी ओरालो लागेको छ । सोमबार तोलामै १५ हजार ९ सय रुपैयाँ घटेको सुन आज फेरि २ हजार ६ सय रुपैयाँ घटेको हो ।
नेपाल सुनचाँदी व्यवसायी महासंघका अनुसार आज सुनको भाउ प्रतितोला १ लाख ४८ हजार ७ सय रुपैयाँ तोकिएको छ ।
सोमबार सुन प्रतितोला १ लाख ५१ हजार ३ सय रुपैयाँ थियो । यसअघि कात्तिक १५ गते सुनको भाउ हालसम्मकै उच्च प्रतितोला १ लाख ७१ हजार रुपैयाँ पुगेको थियो । सरकारले भन्सार दर घटाएपछी सुनको भाउ नाटकिय रुपमा ओरालो लागेको हो ।
त्यस्तै चाँदीको भाउ प्रतितोला २५ रुपैयाँ घटेको छ । अघिल्लो दिन प्रतितोला १८४५ रुपैयाँ रहेको चाँदी यस दिन १८२० रुपैयाँ कायम भएको छ ।
