काठमाडौं । यसअघि तीन खेल जितेकाे सुदुरपश्चिम रोएल्सले नेपाल प्रिमियर लिग (एनपीएल) मा पहिलो हार व्यहोरेको छ ।
आइतबार भएको खेलमा चितवन राइनोजले सुदूरपश्चिम रोएल्सलाई ३३ रनले पराजित गरेकाे हाे ।
चितवनले १६५ रनको लक्ष्य दिएकोमा सुदूरपश्चिमले १८.२ ओभरमा सबै विकेट गुमाएर १३१ रनमा अलआउट भएकाे हाे ।
सुदूरपश्चिमले यसअघि विराटनगर किंग्स, काठमान्डु गुर्खाज र लुम्बिनी लायन्सलाई पराजित गरेको थियो । त्यस्तै चितवन राइनाेज यसअघि कर्णाली याकसङ्ग पराजित भएको थियाे ।
