काठमाडौं । अघिल्लो दिन ७.६ घटेको बजार बुधबार पनि १४.८ अंक घटेकाे छ। आज बजार घट्दा कारोबार रकम भने बढेको छ ।
अघिल्लो दिन ४ अर्ब ३४ करोडको कारोबार भएकोमा आज ५ अर्ब १४ करोडको भयो । आज ५३ कम्पनीको मूल्य बढ्दा १८३ को घटेकाे छ भने ७ को स्थिर रहेकाे छ। आज होटल तथा पर्यटन ०.१० तथा व्यापार ०.६० प्रतिशत बढे भने अरु सबै सेक्टरकाे सूचक घटेका छन् ।
आज फाइनान्स सेक्टर सबैभन्दा धेरै १.५३ प्रतिशत घटेकाे छ। त्यस्तै बैंककिङ ०.५६, विकास बैंक ०.१३, हाइड्रोपावर ०.६७, लगानी ०.४९, जीवन बीमा १.४८, उत्पादन ०.३३, माइक्रोफाइनान्स ०.४८, निर्जीवन बीमा ०.५१, तथा अन्य सेक्टर ०.५१ प्रतिशत घटे ।
मिथिला लघुवित्तको मूल्य सबैभन्दा धेरै ९.३ प्रतिशत बढ्यो । भूगोल इनर्जीको ७.३, ग्रीन डेभलपमेन्ट बैंकको ७ प्रतिशत मूल्य बढ्यो ।
