काठमाडौं । त्रिचन्द्र क्याम्पसमा निर्वाचन अधिकृतमाथि मोसो प्रहार भएको छ ।
मंगलबार हुने मतदानको पूर्वतयारीका लागि छलफल चलिरहँदा निर्वाचन अधिकृत अङ्गदमणि गौतममाथि नेपाल विद्यार्थी संघको बागी उम्मेदवारहरू विवेक बानियाँ र श्रीधर श्रेष्ठले मोसो प्रहार गरेका हुन् ।
निर्वाचनकाे तयारी बारे जानकारी दिन निर्वाचन समितिले आयोजना गरेको बैठकमा निर्वाचनमा उम्मेदवार बनेका सबै पक्ष सहभागी थिए ।
निर्वाचन समितिको कार्यालयमा निर्वाचन अधिकृत गौतममाथि मसी प्रहार गरेका हुन् ।
विवादका कारण यसअघि तीन पटकसम्म स्थगित भएको स्ववियु निर्वाचन मंगलबारका लागि तोकिएको छ ।
