३१ असोज, काठमाडौं । सुनको भाउले मंगलबार फेरि नयाँ रेकर्ड बनाएकाे छ ।
सुनकाे भाउ अघिल्लो दिनको तुलनामा तोलामा १ हजार ९ सय रुपैयाँ बढेको हाे । नेपाल सुनचाँदी व्यवसायी महासंघका अनुसार आज सुन प्रतितोला २ लाख १७ हजार १ सय रुपैयाँ तोकिएकाे छ ।
अघिल्लो दिन २ लाख १५ हजार २ सय रुपैयाँमा कारोबार भएको थियो । यसअघि गत शुक्रबार हालसम्मकै उच्च २ लाख १५ हजार ८ सय रुपैयाँको रेकर्ड बनेको थियो ।
आज चाँदीको भाउमा पनि नयाँ रेकर्ड बनेको छ । अघिल्लो दिनको तुलनामा प्रतितोला २० रुपैयाँ बढेसँगै चाँदी तोलामा २ हजार ५९५ रुपैयाँ पुगेको छ ।
