काठमाडौं, २३ माघ । विश्वचर्चित माइक्रोसफ्ट कम्पनीले कोरोनाभाइरसको खोप अनुसन्धानका लागि आर्थिक सहयोग गर्ने भएको छ ।
बिल गेट्स संस्थापक रहेको माइक्रोसफ्टअन्तर्गतको बिल एन्ड मिलिन्डा गेट्स फाउन्डेसनले कोरोना भाइरसको खोप अनुसन्धानका लागि एक सय मिलियन अमेरिकी डलर सहयोग गर्ने घोषणा गरेको हो ।
विश्व स्वास्थ्य संगठनले भाइरसको महामारी बढेसँगै विश्वभर स्वास्थ्य संकटकाल घोषणा गर्दै भाइरसविरुद्ध लड्न विश्वव्यापी ६ सय ७५ मिलियन डलर आवश्यक रहेकाले सहयोगको अपिल गरेको थियो ।
यसपछि गेट्स फाउन्डेसनले विश्व स्वास्थ्य संघठनलाई सहयोग गर्ने भन्दै एक सय मिलियन अमेरिकी डलर दिने घोषणा गरेको जनाईएको छ । एक सय मिलियन अमेरिकी डलरको करिब नेपाली रुपैयाँ १२ अर्ब रुपैयाँ हुन आउँछ ।
गेट्स फाउन्डेशनका सीईओ मार्क सुजमानले जारी गरेको प्रेस विज्ञप्तिका अनुसार गेट्स फाउन्डेशनद्वारा अनुदान दिइएको एक सय मिलियन अमेरिकी डलर अफ्रिका र दक्षिण एशियाका जोखिमयुक्त जनसंख्याको रक्षा गर्न प्रयोग गरिने र यो डर भन्दापनि विज्ञान द्वारा निर्दे्शित हुनुपर्ने बताएका छन्।
सीईओ मार्क भन्छन्, ‘विश्व स्वास्थ्य संगठनले भाइरस नियन्त्रणका लागि चालेको कदममा उक्त रकमले सहायता गर्नेछ।’ यो रकम प्रकोपबाट प्रभावित चीन र अन्य देशहरूमा सार्वजनिक स्वास्थ्य एजेन्सीहरूलाई विनियोजन गरिनेछ।
फाउण्डेशनले दक्षिण एसिया र अफ्रिकाका देशहरूमा पनि ध्यान केन्द्रित गरिरहेको छ । जहाँ राम्रो स्वास्थ्य सेवामा पहुँचको अभावका कारण मानिसहरू दूषित हुने खतरा बढी हुन्छ।
अन्य प्रमुख व्यापारिक नेताहरूले भाइरससँग लड्न मद्दत गर्न लाखौं डलर सहयोग गर्ने वचन दिएका छन्। अलीबाबा (बबा) को सह-संस्थापक ज्याक माले खोप अनुसन्धान र भाइरस उपचारका लागि १० करोड युआन (१$..4 मिलियन डलर) सहयोग गरेको थियो ।
कम्पनीका प्रवक्ताका अनुसार शियाओमीका सीईओ लेई जुनले आफ्नो घर प्रान्त हुबेईमा राहत प्रयासका लागि १२.७ मिलियन युआन (१.८ मिलियन डलर) योगदान गरेका छन् कम्पनीका प्रवक्ताले भने।
