काठमाडौं, २९ माघ । भारतीय वायुसेवा कम्पनी भिस्ताराले दिल्ली–काठमाडौं उडान सेवा सुरु गरेको छ ।
भारतको टाटा समूह र सिंगापुर एयरलाइन्सको सयुक्त लगानीमा खुलेको एयरलाइन्सले काठमाडौं उडान मंगलबारबाट सुरु गरेको हो।
कम्पनीको जहाज ए ३२० मार्फत दिल्ली–काठमाडौं उडानमा बिजनेस क्लास, प्रिमियम ईकोनोमी र ईकोनोमी क्लास रहेको छ ।
कम्पनीको दिल्ली–काठमाडौं हवाई भाडादर भने १५ हजार ८ सय रुपैयाँ रहेको छ ।
सन् २०१५ देखि हवाई सेवा सुरू गरेको यो कम्पनीमा टाटा समुहको ५१ र सिंगापुर एयरलाइन्सको ४९ प्रतिशत लगानी रहेको छ ।
हाल भिस्ताराले भारतको बैंगलोर, चेन्नई, हैदराबाद, मुम्बई र पुनेलगायतका शहरमा समेत आफ्नो आन्तरिक उडान गरिरहेको पत्रकार सम्मेलनमा जनाकारी दिईयो ।
सन् २०१९ को अगष्टदेखि अन्तर्राष्ट्रिय उडान सुरु गरेको एयरलाइन्सको यो पाँचौ गन्तव्य हो। सन् २०१५ मा भारतमा आन्तरिक उडान सुरु गरेको एयरलाइन्ससँग हाल ३९ जहाज छन्।
यसबाट उसले आन्तरिक र अन्तर्राष्ट्रिय गरी ३६ गन्तव्यमा दैनिक २ सय उडान गर्दै आएको छ।
कम्पनीले उडान विस्तारले नेपाल भ्रमण वर्ष २०२० अभियान सफल र्पा महत्वपूर्ण भुमिका खेल्ने विश्वास व्यक्त गरेको छ ।
