काठमाडौं, २८ चैत
भारतीय वायुसेवा कम्पनी जेट एयरवेजले नेपालको सबै उडान कटौती गरेको छ । पछिल्लो समय चरम आर्थिक संकट भोगिरहेको यो कम्पनीले भारतको दिल्ली र मुम्बईबाट नेपाल उडान गर्दै आएको थियो । यो रुटमा नेपालको ध्वजाबाहक नेपाल वायुसेवा निगमले पनि उडान गरिरहेको छ ।
जेटले मुम्बई उडान यस अघि नै कटौती गरेको थियो । अहिले दिल्ली उडानसमेत कटौती गरेको एस ट्राभलका प्रवन्ध निर्देशक मधुसदन उपाध्यायले जानकारी दिएका छन् । दिल्ली नेपालबाट सबैभन्दा बढी यात्रु पाउने रुट हो ।
