काठमाडौं, ३० फागुन । कोरोनाभाइरसको आशंकामा टेकु अस्पताल भर्ना गरिएका चार नेपालीको नतिजा नेगेटिभ आएको छ।
कतार, मेलेसिया र अमेरिकाबाट नेपाल आएका चार जना नेपालीलाई कोरोनाको आशंकामा शुक्रराज ट्रपिकल तथा सरूवा रोग अस्पतालको आइसोलेसन वार्डमा भर्ना गरिएको थियो ।
शुक्रबार आएको नतिजामा कसैमा पनि कोरोना नदेखिएको टेकु अस्पताल स्रोतले जनाएको छ । कसैमा पनि कोरोना नदेखिएपछि सबैलाई आजै डिस्चार्ज गरेको अस्पतालले जनाएको छ ।
उनीहरूमा ज्वरो, रुघाखोकीको लक्षण देखिएपछि दुई दिनदेखि टेकुस्थित गरिएको थियो। चारजनामध्ये दुई पुरुष र दुई महिला छन्।
