काठमाडौं, १७ बैशाख । विश्वभर कोरोना संक्रमितको संख्या ३१ लाख नाघेको छ ।
बुधबार बिहानसम्म ३१ लाख ३८ हजार ९७ जना संक्रमित भएका छन् । मृत्यु हुनेको संख्या २ लाख १७ हजार ९६८ पुगेको छ।
९ लाख ५३ हजार ३ सय २१ जना चाहिँ निको भएर घर फर्किसकेका छन् ।
कोरोनाबाट सबैभन्दा बढि शिकार अमेरिकाका जनता भएका छन् । जहाँ ५९ हजार २ सय ६६ जनाको मृत्यु भइसकेको छ । त्यहाँको कूल संक्रमित संख्या भने १० लाख ३५ हजार ७ सय ६५ रहेको छ ।
पछिल्लो २४ घन्टामा कोरोना संक्रमणबाट ६ हजार ३६५ जनाको मृत्यु भएको छ भने ७६ हजार ५६२ जना संक्रमित थपिएका छन्।
मंगलबार सबैभन्दा धेरै मृत्यु अमेरिकामा भएको छ। त्यहाँ एकैदिन २ हजार ४७० जनाको मृत्यु भएको छ भने २५ हजार ४०९ जना संक्रमित थपिएका छन्।
त्यस्तै स्पेनमा ३०१ जनाको मृत्यु भएको छ भने २७ सय ६ जना संक्रमित थपिएका छन्। इटालीमा भने ३८२ जनाको मृत्यु भएको छ भने २ हजार ९१ जना संक्रमित थपिएका छन्।
त्यस्तै फ्रान्समा ३६७ जनाको मृत्यु भएको छ भने २६ सय ३८ जना संक्रमित थपिएका छन्। बेलायतमा भने ५८६ जनाको मृत्यु भएको छ भने करिब ४ हजार संक्रमित थपिएका छन्।
