केही समय अघिसम्म गाँउघर तिर पाहुनालाई चिसो महि वा सर्बत पानी दिइन्थ्यो तर, आजकाल के गाँउ के शहर सबै तिर कोकाकोला/पेप्सी जस्ता कोल्ड ड्रिङ्क्सले बजार ओगटेको छ ।
गर्मीमा चिसो कोल्ड ड्रिङ्क्स पिउने प्राय हामी सबैको बानी हुन्छ । साथीहरुसँग भेटघाट गर्दा होस् वा घरमा जमघट हुँदा हामी पिउनको लागि गर्मी महिनामा सकेसम्म कोल्ड ड्रिङ्क्स नै रोज्ने गर्छौ ।
यस्ता पेय पदार्थमा चिनीको मात्रा बढी हुने र धेरै क्यालोरी हुने भएकाले चिकित्सकहरुले कोल्ड डिङ्क्सको सेवन कम गर्न सुझाव दिने गर्छन् । तर, पनि आम उपभोक्तालाई स्वास्थ्य भन्दा पनि स्वादसँग मतलब हुने गर्छ । अब भने उपभोक्ताहरु विस्तारै आफ्नो स्वास्थ्यप्रति सचेत हुन थालेको पाइएको छ ।
कोल्ड ड्रिङ्क्सकै सवालमा पनि उपभोक्ताको रुची फेरिँदै गएको छनक पाएपछि पेयपदार्थ बजारका दुई प्रमुख खेलाडि कोकाकोला र पेप्सीकोेले आफ्नो रणनीति फेरेका छन् ।
अहिले बजारमा पाइने सामान्य कोल्ड ड्रिङ्क्स भन्दा कम गुलियो र लो क्यालोरीयुक्त ड्रिङ्क्सको उत्पादन तिर उनीहरुले जोड दिन थालेका छन् ।
आम उपभोक्ताहरुले आफ्नो स्वास्थ्यमा ध्यान दिँदै कम लो सुगर र लो क्यालोरी युक्त डाइट उत्पादनहरु रोज्न थालेपछि उत्पादहरुले यस्ता उत्पादनको मात्रा बढाउन थालेको बताइएको छ ।
कोल्ड ड्रिङ्क्सको प्रमुख बजार मानिने भारतको माथि उल्लेखित दुई मध्ये एक कम्पनीका एक अधिकारीले भने, ‘हामीले डाइट र लो सुगर पेयको यस्तो अभाव पहिले देखेका थिएनौं ।’
कोकाकोला र पेप्सी दुवै कम्पनीले सामान्य पेय भन्दा केही स्थस्थकर मानिने कम सुगरयुक्त र कम क्यालोरी युक्त ड्रिङ्क्सको उत्पादन बढाएर उपभोक्ताको माग समेट्ने रणनीतिमा लागेका छन् ।
एजेन्सीको सहयोगमा
