काठमाडौं, २८ जेठ । विश्वभर कोरोना भाइरसको संक्रमित हुने मानिसको संख्या ७३ लाख नाघेको छ । पछिल्लो २४ घण्टामा १ लाख २१ हजार १८४ जना नयाँ संक्रमित थपिएसँगै संक्रमितको संख्या ७३ लाख ११ हजार ६३१ पुगेको छ ।
संक्रमणबाट विश्वभर मृत्यु हुनेको संख्या ४ लाख १३ हजार ११ जनाको मृत्यु भएको छ । पछिल्लो २४ घण्टामा विश्वभर ४ हजार ७५७ जनाको मृत्यु भएको छ ।
३३ लाख ३ हजार ७८५ जनाको उपचार भइरहेकोमा ५३ हजार ९४४ जनाको अवस्था गम्भीर छ । ३५ लाख ९४ हजारभन्दा बढी मानिस उपचारपछि निको भएका छन् ।
