काठमाडौं, ९ असार । नेपालमा थप एक कोरोना संक्रमितको मृत्यु भएको छ। कर्णालीको सामाजिक विकास मन्त्रालयद्धारा जारी विज्ञप्ति अनुसार दैलेख दुल्लु नगरपालिका ३ का ४५ वर्षे पुरुषको सोमबार राति ९ बजे मृत्यु भएको हो।
विगत २ महिनादेखि क्षयरोगको औषधि सेवन गर्दै आएका ती पुरुष असार ३ गते प्रदेश अस्पताल सुर्खेतको आकस्मिक कक्षमा उपचारका लागि भर्ना भएका थिए । उनमा असार ४ गते कोरोना संक्रमण पुष्टि भएको थियो । संक्रमितको शव सुर्खेतमै नेपाली सेनाले अन्त्येष्टि गर्ने भएको छ।
यो सँगै कर्णालीमा कोरोना संक्रमण पुष्टि भएका मृत्यु हुनेको संख्या ५ पुगेको छ। दैलेख २, सुर्खेत २ र डोल्पा १ गरी ५ पुगेको हो।
देशभर भने योसँगै कोरोना संक्रमणका कारण २४ जनाको मृत्यु भएको छ।
