काठमाडौं,१० असार । नेपाली बजारमा सुनको भाउ बुधबार हालसम्मकै उच्च विन्दुमा पुगेको छ ।
मंगलबार गिरावट आएको सुन फेरि ऐतिहासिक उचाइमा पुगेको हो।
नेपाल सुनचाँदी व्यवसायी महासंघका अनुसार बुधबार तोलामा ५०० रुपैयाँ बढ्दै प्रतितोला छापावाल सुन ९१ हजार १०० रुपैयाँ र तेजाबी सुन ९० हजार ६६५ रुपैयाँ कायम भएको हो। यो नेपालकै इतिहासमा सुनको उच्च मूल्य हो।
यसैगरी चाँदीको भाउ बुधबार तोलामा ५ रुपैयाँले बढेर ९५४ रुपैयाँ कायम भएको छ। हिजो मंगलबार तोलामा १० रुपैयाँ घट्दै चाँदीको भाउ ९४० रुपैयाँ कायम भएको थियो।
