काठमाडौं, ९ साउन । नेपालमा कोरोना संक्रमणबाट थप एक जनाको मृत्यु भएको छ ।
नारायणी अस्पतालको अस्थाई कोभिड अस्पतालमा उपचाररत परवानीपुर ८ बाराकी १७ वर्षीया किशोरीको शुक्रबार मृत्यु भएको हो।
मृत्युपछि युवतीको पीसीआर रिपोर्ट पोजेटिभ आएको अस्पताल स्रोतले जनाएको छ ।
बुधबार नारायणी अस्पतालमा भर्ना भएकी उनको स्वास्थ्य अवस्था गम्भीर भएपछि वीरगञ्ज हेल्थ केयर अस्पताल लगिएको थियो ।
आरडीटी एन्टीबडी पोजेटिभ देखिएपछि कोरोना संक्रमणको आशंकामा बिहीबार गण्डक कोभिड अस्थायी अस्पतालमा भर्ना गरिएकोमा शुक्रबार अपरान्ह मृत्यु भएको हो । स्वास्थ्य मन्त्रालयबाट पुष्टि हुन भने बाँकी नै रहेको छ ।
योसँगै नेपालमा कोरोना संक्रमितको मृत्यु हुनेको संख्या ४५ पुगेको छ।
