काठमाडौं, २२ साउन । पछिल्लो २४ घण्टामा काठमाडौं उपत्यकामा ८७ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमको अनुसार २४ घण्टामा पिसिआर विधिबाट गरिएको काठमाडौंको ७६, ललितपुरको १० र भक्तपुरको १ जनामा कोरोना पृष्टि भएको हो ।
योसँगै काठमाडौंमा कोरोना संक्रमित हुनेको संख्या ६७४ ललितपुरमा १२४ र भक्तपुरमा ७८ पुगेको छ भने काठमाडौं उपत्यकाको कुल संक्रमित संख्या ८७८ पुगेको छ।
बुधबार देशभर ३६० संक्रमित थपिएका छन्। योसँगै कूल संक्रमितकोे संख्या २१ हजार ७ सय ५० पुगेको छ।
