काठमाडौं, २३ साउन । काठमाडौं उपत्यकामा थप १ सय ६ जनामा कोरोना भाइरसको संक्रमण देखिएको छ ।
स्वास्थ्य तथा जनसंख्या मन्त्रालयका प्रवक्त्ता डा. जागेश्वर गौतमको अनुसार काठमाडौं जिल्लामा मात्र ९२ जनामा संक्रमण पुष्टि भएको हो । ललितपुरमा १० र भक्तपुरमा ४ जनामा संक्रमण पुष्टि भएको छ ।
यो उपत्यकामा थपिएका अहिलेसम्मकै धेरै संख्या हो ।
प्रवक्ता गौतमका अनुसार राष्ट्रिय जनस्वास्थ्य प्रयोगशाला टेकूमा गरिएको परिक्षणमा काठमाडौंका १४ जना, ललितपुरका ३ जना, शुक्रराज ट्रपिकल तथा सरुवा रोग अस्पतालमा गरिएको परिक्षणमा भक्तपुरका २ जना, काठमाडौंका ३९ जनामा संक्रमण पुष्टि भएको हो ।
त्यस्तै ललितपुरका ३ जना, पाटन अस्पतालमा गरिएको परिक्षणमा काठमाडौंका ५ , भक्तपुरका १, ललितपुरका २ जना, विर अस्पतालमा काठमाडौंका ४ जना, शिक्षण अस्पतालमा गरिएको परिक्षणमा काठमाडौंका १ जना, नेपाल प्रहरी अस्पतालमा गरिएको परिक्षणमा काठमाडौंका ७ जनामा संक्रमण पुष्टि भएको हो ।
स्टार अस्पतालमा गरिएको परिक्षणमा काठमाडौंका ११ जना, ललितपुरका १ जना, बिआइडिएच ल्याबमा गरिएको परिक्षणमा ललितपुरका १ जना, काठमाडौंका २ जना ह्याम्स अस्पतालका गरिएको परिक्षणमा काठमाडौंका ४ जना, नेपाल कोरिया मैत्री काठमाडौंका १ जना, भक्तपुरका १ जनामा कोरोना संक्रमण पुष्टि भएको हो । यो सहित सहित काठमाडौंमा कूल संक्रमितको संख्या ९८२ पुगेको छ। काठमाडौंमा ७६६, ललितपुरमा १३४ र भक्तपुरमा ८२ संक्रमित पुष्टि भएका छन्।
[…] काठमाडौं उपत्यकामा १ सय ६ जना कोरोना स… […]