काठमाडौं, २५ साउन । पोखरामा कोरोना संक्रमण पुष्टी भएका एक जनाको उपचारका क्रममा ज्यान गएको छ ।
पश्चिमाञ्चल क्षेत्रीय अस्पताल पोखरामा उपचाररत पोखरा–१९ लामाचौरका ६२ वर्षीय पुरुषको गएराति ११ः३५ बजे मृत्यु भएको हो । यससँगै अब नेपालमा कोरोना भाइरसका कारण ज्यान गुमाउनेको संख्या ७४ पुगेको छ ।
उनी साउन १७ मा अस्पताल भर्ना भएका थिए ।
डायबिटिज रोगबाट उनी ग्रसित थिए । यसअघि स्याङ्जाका दुई, बागलुङ र गोरखाका एक/एक जनाको मृत्यु भएको थियो ।
