काठमाडौं, २९ साउन । पछिल्लो २४ घण्टामा काठमाडौं उपत्यकामा थप १ सय २७ व्यक्तिमा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमको अनुसार काठमाडौंका १११, ललितपुरका ११ र भक्तपुरका ५ जनामा कोरोना पुष्टि भएको हो ।
उनीहरूको उपत्यकाका विभिन्न प्रयोगशालाहरूमा परीक्षण गरिएको हो। योसँगै काठमाडौंमा कोरोना संक्रमित हुनेको संख्या ११७८ ललितपुरमा १८३ र भक्तपुरमा ११८ पुगेको छ भने काठमाडौं उपत्यकाको कुल संक्रमित संख्या १५७१ पुगेको छ ।
