काठमाडौं, ७ भदौं । नेपाल स्टक एक्सचेञ्ज नेप्से परिसूचक दोहोरो अंकले बढेको छ ।
बिहिबार ६.२८ अंकले बढेर बन्द भएको नेप्से परिसूचक साताको पहिलो दिन १२.७७ अंकले बढेर १४१०.३४ बिन्दुमा पुगेको छ ।
यसदिन १८४ कम्पनीको १ अर्ब १० करोड ८० लाख ५३ हजार ५९७ रुपैयाँ बराबरको कारोबार भएको छ । २४ लाख ९८ हजार ६६२ कित्ता सेयर किनबेच भएका छन् ।
कारोबारमा आएका १२ वटा समूहमध्ये ९ समूहको परिसूचक ओरालो उकालो लागेका छन् भने ३ समूहको परिसूचक ओरालो लागेका छन् । निर्जीवन बीमा समूहको परिसूचक सबैभन्दा धेरै २३३.२२ अंकले बढेको छ ।
निषेधाज्ञा बीच खुलाइएको बजारमा ब्रोकर कार्यालय बन्द भएपछि अनलाइनबाटै सेयर कारोबार भएको छ ।
अघिल्लो पटक लकडाउन हुँदा सेयर बजार करिब ३ महिना बन्द भएको थियो । तर, यसपटक नेप्सेले अनलाइनबाटै भए पनि कारोबार गर्ने निर्णय गरेको थियो ।
