काठमाडौं, २२ असोज । प्रभु ग्रुप अन्तरगतको प्रभु डिजिटल प्रालि अब पब्लिक कम्पनीको रुपमा संचालन हुने भएको छ ।
नेपाल दूरसञ्चार प्राधिकरणबाट इन्टरनेट ईमेल सहित सेवाको अनुमतिपत्र प्राप्त गरेको कम्पनी अब पब्लिक लिमिटेड कम्पनीको रुपमा संचालन हुने भएको हो ।
हालै प्राधिकरणले प्रभु डिजिटल प्रालिलाई प्रभु डिजिटल लिमिटेड नाम राखी लिमिटेड कम्पनीमा परिवर्तनको लागि अनुमति दिएको छ ।
यसअघि नै प्रभु डिजिटलले कम्पनी रजिष्ट्रारको कार्यालयबाट प्रभु डिजिटल लिमिटेड नाम संसोधन गरिसकेको कम्पनीले बताएको छ ।
नाम परिवर्तन र पब्लिक लिमिटेड गरेसँगै कम्पनीलाई सार्वजनिक शेयर निष्कासन गर्ने बाटो समेत खुल्नेछ ।
प्रभु ग्रुप अन्तरगतको कम्पनीले २०७४ साल कात्तिक ७ गतेदेखि अनुमतिपत्र लिई इन्टरनेट सेवा संचालन गरिरहेको छ । यसका साथै कम्पनीले टेलिभिजन, आईपिटिभी÷ओटिटि सेवा समेत संचालन गरिरहेको छ ।
सम्बन्धितः
प्रभु इन्टरनेटको सेवा सुरु, यस्तो छ प्याकेज
प्रभु बैंकको २ अर्बको ऋणपत्र विक्री खुल्यो
प्रभु टिभीको सबै च्यानल १ महिनासम्म सित्तैमा
प्रभु पे को सहयोगमा घरबाटै यसरी लिनुहोस् गंगालाल अस्पतालको टिकट
