काठमाडौं, २३ कात्तिक । गुराँस लघुवित्त वित्तीय संस्थाले सेयरधनीलाई लाभांश नदिने भएको छ ।
शुक्रबार बसेको कम्पनीको सञ्चालक समितिको बैठकले आर्थिक वर्ष २०७६/७७ को मुनाफाबाट सेयरधनीहरूलाई लाभांश नदिने निर्णय गरेको हो ।
कम्पनीले सो आवको नाफाबाट नगद तथा बोनस कुनै लाभांश नबाँड्ने भएको हो । लाभांश नदिने भएसँगै सेयरधनी निराश भएका छन् ।
त्यस्तै, लघुवित्तको सञ्चालक समितिको बैठकले कम्पनीको आर्थिक वर्ष २०७६/७७ को वित्तीय विवरणहरु साधरण सभामा पेश गर्न स्वीकृतिको लागि नेपाल राष्ट्र बैंक समक्ष पेश गर्ने निर्णय गरेको छ।
