काठमाडौं । च्याम्पियन्स लिग अन्र्तगत आज स्पेनिस क्लव बार्सिलोना र युक्रेनको क्लब डायनामो किभ भिड्दै छन् । नेपाली समय अनुसार राति १ः४५ बजेबाट सुरु हुने खेल किभको घरेलु मैदानमा हुँदै छ ।
किभको मैदानमा हुने सो खेलमा बार्सिलोना शीर्ष स्थान कायमै राख्ने दाउमा छ । हाल बार्सिलोना ९ अंकका साथ शीर्ष स्थानमा छ भने किभ १ अंकका साथ तेस्रो स्थानमा छ ।
सिजनको पहिलो भेटमा बार्सिलोनाले किभलाई आफ्नै मैदानमा २–१ गोलले हराएको थियो । आजको खेलमा बार्सिलोनाका कप्तान मेस्सी भने उपस्थित हुनेछैनन् ।
आजकै अर्को खेलमा सिरी ‘ए’ च्याम्पियन क्लब युभेन्टसले हंगेरियन क्लब फेरेन्भारोससँग खेल्दैछ । राति १ः४५ बजे हुने सो खेल युभेन्टसको मैदानमा हुनेछ । यस सिजनको पहिलो भेटमा युभेन्टसले फेरेन्भारोसलाई उसैको मैदानमा ४–१ गोलले हराएको थियो ।
