काठमाडौं, ३ पुस । काठमाडौका विभिन्न ठाउँमा शुक्रबार बिहान ७ बजेदेखि १० बजेसम्म बिजुली जाने भएको छ ।
शुक्रबार बिहान तीन घण्टा र शनिबार मध्याह्न १२ देखि ३ बजेसम्म पनि बिजुली कटौती हुने लागेको हो । । बालाजु सबस्टेशभित्रको ११ केभीको ब्रेकर जडान गर्नुपर्ने भएकाले त्यस सबस्टेशनबाट वितरण भएको बिजुली काटिनेछ ।
त्यसमा बालाजु औद्योगिक क्षेत्र, ढुङ्गेधारा, महाराजगञ्ज, नयाँ बजार, धर्मस्थली फिडर सटडाउन हुनेछ । बिजुली काटिँदा उपभोक्तामा पर्न जाने असुविधाप्रति प्राधिकरणले माफी मागेको छ । निर्धारित कार्य समयअगावै सम्पन्न भएमा त्यस समयभन्दा अगावै बिजुली आउनेसमेत प्राधिकरणले जनाएको छ ।
