काठमाडौं । लगातार दुई दिन घटेको छापावाल सुनको मूल्य मंगलवार भने बढेको छ । आज छापावाल सुनको मूल्य प्रतितोला ६०० रुपैयाँ बढ्यो ।
सोमबार प्रतितोला ९२ हजार २०० रुपैयाँमा कारोबार भएको छापावाल सुनको मूल्य आज ६०० रुपैयाँ बढ्दै प्रतितोला ९२ हजार ८०० रुपैयाँ कायम भएको नेपाल सूनचाँदी व्यवसायी महासंघले बताएको छ ।
मंगलबार तेजावी सुनको मूल्य पनि प्रतितोला ६०० रुपैयाँ नै बढ्यो । आज तेजावी सुनको कारोबार मूल्य ९२ हजार ३०० रुपैयाँ कायम भएको छ ।
आज चाँदीको मूल्य पनि प्रतितोला २० रुपैयाँ बढ्यो । मंगलबार चाँदीको कारोबार मूल्य १२ सय ५० रुपैयाँ कायम भएको छ ।
