काठमाडौं ७ माघ । पछिल्लो समय हितग्राही (डिम्याट) खाता खोल्नेको संख्या बढेको छ । नेपाल इन्फ्रास्ट्रकचर बैंकले निष्काशन गरेको आइपीओमा आवेदन दिनको लागि डिम्याट खाता खोल्नेको संख्या अत्याधिक बढेको हो।
बैंकको आइपीओ खुल्ने मिति नजिकिदै गर्दा र बैंकको आइपीओ खुलेको अवधिमा खाता खोल्नेको संख्या झन् उच्च देखिएको थियो । त्यस समयमा एक महिनाको अवधिमा नेपालमा ३ लाख बढी डिम्याट खाता खुलेका छन् ।
अन्य शेयर गोलापर्थाबाट पाइने भएतापनि इन्फ्रास्ट्रकचर बैंकको धेरै संख्यामा खुलेका कारण स्वत पाइने भएकोले डिम्याट खोल्नेको संख्या धरै रहेको थियो ।
सीडीएस एण्ड क्लियरिङ लिमिटेडकाको तथ्यांक अनुसार मंगलबारसम्म २६ लाख १० हजार ८ सय ६२ जनाले डिम्याट खाता खोलेका छन् ।
जसमा नाबालकका नाममा डिम्याट खाता खोल्ने र आवेदन दिने क्रम बढ्न थालेको देखिन्छ । सीडीएसीको तथ्यांक अनुसार हालसम्म ३ लाख १० हजार ७० वटा नाबालक खाता खुलिसकेको छ ।
सिडीएससीले पुस ७ गते आफ्नो वार्षिकोत्सवको अवसरमा डिम्याट खाताको संख्या २३ लाख १ हजार ५ सय ५६ भएको जनाएको थियो । यो संख्या असारसम्ममा १७ लाख २७ हजार ९ सय १३ मात्रै थियो ।
पुस महिनामा मात्रै ३९ हजार ६ सय ९४ वटा डिम्याट खाता नाबालकका नाममा खुलेको तथ्याकले देखाएको छ ।
सम्बन्धित समाचार ।
नेप्से १६ अंकले बढ्दा शेयर बजारमा नयाँ रेकर्ड, ६ अर्ब २१ करोडको कारोबार
इन्फ्रास्ट्रक्चर बैंकको आइपीओ भरेकाको संख्या थपियो, अन्तिम संख्या कति ?
इन्फ्रास्ट्रक्चर बैंकको आइपीओमा नयाँ रेकर्ड, कति पर्ला भागमा ?
१२ अर्ब ४१ करोड रुपैयाँको हकप्रद शेयर पाइपलाइनमा, कुन कम्पनीको कति ?
डिम्याट खोल्नेको संख्या २६ लाख, सामाजिक सञ्जालदेखि चिया पसलसम्म आइपीओकै चर्चा
