काठमाडौं, १७ बैशाख । नेपाली बजारमा सुनको भाउ सस्तिएको छ ।
नेपाल सुनचाँदी व्यवसायी महासंघका अनुसार अघिल्लो दिनको तुलनामा एकैदिन तोलाको ९ सय रुपैयाँ घटेको हो ।
शुक्रबार सुन तोलामा ८९ हजार ९ सय रुपैयाँमा कारोबार भइरहेको छ । बिहीबार सुन तोलामा ९० हजार ८ सय रुपैयाँ कायम भएको छ ।
सुनसँगै चाँदीको भाउ पनि सस्तिएको छ । चाँदी तोलामा २० रुपैयाँ घटेको महासंघले जानकारी दिएको छ । शुक्रबार चाँदी तोलामा एक हजार २ सय ९५ रुपैयाँमा कारोबार भइरहेको छ ।
