काठमाडौं, १३ जेठ । पछिल्लो समय लगातार दैनिक जस्तो नयाँ रेकर्ड बनाउँदै आएको शेयर बजारले फेरि नयाँ कीर्तिमान बनाएको छ ।
साताको कारोबारको अन्तिमदिन एकैदिन सर्वाधिक कारोबार, सार्वाधिक कित्ता शेयर किनबेचको रेकर्ड बनाएको हो ।
विहिबार नेप्से १.२० अकले घटेर २८१५.४० विन्दुमा पुगेको छ ।
नेपाल स्टक एक्सचेन्जका अनुसार विहिबार २१५ कम्पनीको १४ अर्ब ७६ करोड ८८ लाख ८ हजार ४९२ रुपैयाँ बराबरको ४ करोड १८ लाख १३ हजार ९९४ कित्ता शेयर किनबेच भएका छन् ।
यो कारोबार हालसम्मकै उच्च हो । यसअघि नेप्सेमा २०७७ जेठ १० गते सोमबार १३ अर्ब १७ करोड ५३ लाख बराबरको करोबार भएर नयाँ रेकर्ड कायम भएको थियो ।
आज कारोबारमा आएका १३ वटा समूहमध्ये ७ वटा समूहको परिसूचकमा हरियालीे छाएको छ भने ६ समूहको सूचक राताम्मे भएको छ ।
बिहीबार ट्रेडिङ समूह २१८.५३ अंक, डेभलपमेन्ट बैंंक समूह ११४.३० अंक, म्यानुफ्क्ट्रचरीङ एण्ड प्रो.समूह ३२.६० अंक, म्युचुअल फण्ड समूह ०.०८ अंक, फाइनान्स समूह ३६.८१ अंक, हाइड्रो पावर समूह १३१.७८९ अंक र निर्जीवन बीमा समूह १४२.२९ अंकले बढेको छ ।
त्यस्तै, माइक्रोफाइनान्स समूह १९१.६९ अंक, होटल तथा पर्यटन समूह २०.०८ अंक, इन्भेष्टमेन्ट समूह ०.६७ अंक, बैंकिङ समूह ६.४६ अंक, अन्य समूह २४.०२ अंक र जीवन बीमा समूह १३६.३६ अंकले घटेको छ ।
आज अपी पावरको सर्वाधिक कारोबार भएको छ । यसको ४३ करोड २८ लाख रुपैयाँ बढीको कारोबार भएको छ । कारोबार रकमकै आधारमा अरुण काबेली र चिलिमेको समान ३७३७ करोडको कारोबार सहित शीर्ष तीन स्थानमा रहे ।
नेप्सेका अनुसार आज २० कम्पनीको शेयरमूल्यमा उच्च बृद्धि भएको छ । आज शेयरमूल्यमा उच्च बृद्धि हुने कम्पनीहरुमा खानीखोला हाइड्रोपावर कम्पनी लिमिटेड, युनाइटेड मोदी हाइड्रोपावर, नेपाल हाइड्रो डेभलपर्श, कालिका पावर कम्पनी, रिडी हाइड्रोपावर डेभलपमेन्ट कम्पनी र जोशी हाइड्रोपावर डेभलपमेन्ट कम्पनी रहेका छन् ।
त्यस्तैगरि, आज अपि पावर कम्पनी, राधी विद्युत कम्पनी, दिव्यश्वर हाइड्रोपावर कम्पनी, शिव श्री हाइड्रोपावर कम्पनी, हिमाल दोलखा हाइड्रोपावर, सानीमामाई हाइड्रोपावर, पञ्चकन्यामाई हाइड्रोपावर, नेशनल हाइड्रोपावर कम्पनी, बुटवल पावर कम्पनी, अरुण काबेली पावर, घलेम्दी हाइड्रो लिमिटेड, युनिभर्सल पावर कम्पनी र आँखु खोला जलविद्युत कम्पनीको शेयरमूल्यमा उच्च बृद्धि आएको छ ।
त्यस्तै, आज मेरो मााइक्रोफाइनान्स वित्तिय संस्था र समता घरेलु लुवित्त वित्तिय संस्थाका लगानीकर्ताले सर्वाधिक गुमाएका छन् भने कारोबारको आधारमा आज सबैभन्दा बढी कारोबार अपि पावर कम्पनीको भएको छ ।
