काठमाडौं, १६ जेठ । साताको पहिलो दिन नेपाली बजारमा सुनचाँदीको मूल्य बढेको छ ।
नेपाल सुनचाँदी व्यवसायी महासंघका अनुसार शुक्रवारको तुलनामा आइतवार तोलाको २ सय रुपैयाँ बढेको हो । छापावाल सुन प्रतितोला ९४ हजार रुपैयाँमा कारोबार भइरहेको महासंघले जनाएको छ ।
शुक्रवार छापावाला सुनको मूल्य प्रतितोला रू. ९३ हजार ८०० मा कारोबार भएको थियो ।
त्यसैगरी, तेजाबी सुन प्रतितोला रू. ९३ हजार ५०० मा कारोबार भएको छ । शुक्रवार तेजाबी सुन प्रतितोला रू। ९३ हजार ३०० मा कारोबार भएको थियो ।
महासंघका अनुसार आज चाँदी प्रतितोला १ हजार ३ सय ५५ रुपैयाँमा कारोबार भइरहेको छ ।
अघिल्लो दिन चाँदी प्रतितोला १ हजार ३५० रुपैयाँमा कारोबार भएको थियो ।
