काठमाडौं । चिनियाँ एप टिकटक विश्वमै सबैभन्दा धेरै प्रयोगकर्ता हुने एप बनेको छ । टिकटकको बारेमा अध्ययन गर्ने संस्था ‘सेन्सर टावर’ को अनुसार टिकटक एक्लैको मासिक प्रयोगकर्ता एक अर्ब ९० लाख पुगेको छ ।
विश्वको सबैभन्दा ठूलो सोसल मिडिया ग्रुपको रुपमा रहेको फेसबुकका मासिक प्रयोगकर्ता २.८ बिलियन रहेका छन् । जसमा फेसबुक, ह्वाट्सएप, म्यासेन्जर, इन्स्टाग्रामका प्रयोगकर्ता समावेश छन् ।
टिकटकको मुख्य कम्पनी बाइटडान्सले सन् २०२० मा ३४ अर्ब ३० करोड अमेरिकी डलर अर्थात् ४० अर्ब ७१ करोड रूपैयाँभन्दा बढी आम्दानी गर्न सफल भएको छ ।
टिकटकको मुख्य कम्पनी बाइटडान्सले प्रस्तुत गरेको पछिल्लो वित्तीय प्रगतिअनुसार कम्पनीको आम्दानी अघिल्लो वर्षको तुलनामा १११ प्रतिशतले बढेको हो ।
त्यस्तै मासिक प्रयोगकर्ता एक अर्ब ९० लाख पुगेको सो प्रतिवेदनमा उल्लेख छ । प्राप्त जानकारीअनुसार कम्पनीले सबैभन्दा बढी आम्दानी टिकटकको चिनियाँ भसर्न डुयिनबाट गरेको छ ।
