काठमाडौं, ५ भदौं । पछिल्लो २४ घण्टामा देशभर २०७५ जनामा कोरोना संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार ७ हजार ७३० पीसीआर परीक्षणमा १४२४ र ५३७२ एन्टीजेन परीक्षणमा ६५१ जना गरी कुल २०७५ जनामा संक्रमण पुष्टी भएको हो ।
योसँगै नेपालमा कोरोना संक्रमितको संख्या ७ लाख ४५ हजार ७३१ पुगेको छ ।
पछिल्लो २४ घण्टामा २३८२ जना संक्रमण मुक्त भएका छन् । यो सहित संक्रमण मुक्त हुनेको संख्या ६ लाख ९५ हजार ९२५ जना पुगेको छ । संक्रिय संक्रमितको संख्या ३९ हजार ३२१ रहेको छ ।
पछिल्लो २४ घण्टामा ३० जना संक्रमितको मृत्यु भएको छ । यो सहित नेपालमा कोरोना मृत्यु हुनेको संख्या १० हजार ४८५ पुगेको छ ।
