काठमाडौं, १० भदौ । ट्राफिक प्रहरीले गोकर्णेश्वरबाट स्कुटर चोरीमा संलग्न १ जनालाई स्कुटर चोरी गरि भाग्दै गर्दा पक्राउ गरेको छ ।
महाशाखाको सादा पोसाकमा खटिएको ट्राफिक टोलीले बा ७० प ५०५३ नम्वरको हरियो रंङको डिओ स्कुटरसहित पक्राउ गरेको हो ।
प्रमुख प्रहरी वरिष्ठ उपरीक्षक जनक भट्टराईले चोरीको स्कुटरसहित गोकर्णेश्वरको अर्याल गाउँबाट जिल्ला सिराहा कर्जना नगरपालिका वडा नं. २ भुल्के घरभई काठमाडौं गौरीघाट बस्नेवर्ष २४ को अर्पण महतलाई पक्राउ गरेको जनाकारी दिए ।
उक्त स्कुटर धनी काभ्रे पाँचखाल घरभई गोकर्णेश्वर नयाँबस्तीबस्ने प्रविनश्रेष्ठले ९ गते अन्दाजी १२ बजे हराएको भनी हुलिया जानकारी दिएका थिए ।
सोही सुचनाको आधारमा खोजतलास गर्दै जाँदा उक्त स्कुटर फेला परेको हो । अनुसन्धानको क्रममा उक्त मोटरसाईकलको वास्तविक नं. परिबर्तन गर्ने अवसरको खोजी गर्दै हिडेको अबस्थामा दिउँसो ४ बजे महत पक्राउ परेका हुन ।
स्कुटर धनी श्रेष्ठको निवेदनका आधारमा स्कुटरसहित मानिसलाई थप अनुसन्धान एव कारवाहीको लागि महानगरीय प्रहरी वृत्त, बौद्ध पठाईएको महाशाखाका प्रवक्ता एसपी संजिव शर्मादासले जानकारी दिए ।
