काठमाडौं, २५ भदौ । प्रतिनिधिसभामा नेकपा एमालेको अवरोधबीच प्रतिस्थापन विधेयक पेश भएको छ।
शुक्रवार बसेको प्रतिनिधि सभाको तेस्रो बैठकमा अर्थमन्त्री जनार्दन शर्माले केपी शर्मा ओली सरकारले ल्याएको बजेटलाई प्रतिस्थापन हुनेगरी विधेयक पेश गरेका हुन्।
संयुक्त सरकारको साझा न्यूनतम कार्यक्रम कार्यान्वयन गर्न र वर्तमान आर्थिक परियोजनाहरुलाई पूर्णता दिन बजेट परिमार्जन गर्नु परेको अर्थमन्त्री शर्माले बताएका छन्।
अर्थमन्त्री शर्माले विधेयक पेश गरिरहँदा एमाले सांसद र मर्यादापालक बिच घम्साघम्सी भएको थियो।
