काठमाडौं । अभिनेत्री करिष्मा मानन्धरले माध्यमिक शिक्षा परीक्षा एसईई परिक्षामा बी प्लस ग्रेड ल्याएकी छिन् ।
गत चैतमा भएको एसईई परीक्षामा सहभागी उनले बी प्लस ग्रेड ल्याएकी हुन् ।
त्यस्तै एसईईमा सहभागी नेकपा नेतृ तथा सांसद शान्ता चौंधरीले पनि बी ग्रेड ल्याएकी छिन् ।
करिष्माले काठमाडौंको मैतीदेवीस्थित त्रिवेणी पब्लिक स्कुलबाट एसईई गरेकी हुन् भने शान्ता चौंधरीले गृहजिल्ला दाङको एक विद्यालयबाट एसईई गरेकी हुन् ।
एसईईकाे रिजल्ट राम्राे भएपछि दुवैले अब उच्च शिक्षा अध्ययन गर्ने बताएका छन् ।
याे वर्षकाे एसईईमा कुल चार लाख ७५ हजार विद्यार्थी परीक्षामा सामेल भएका थिए जसमध्ये १७ हजार ५ सय ८० जनाले एप्लस ग्रेड ल्याएका छन्, ५१ हजार १ सय ३७ जनाले ए ग्रेड ल्याएका छन् । त्यस्तै ६३ हजार ७ सय ४१ जनाले बीप्लस, ९८ हजार २ सय ७ जनाले बी ग्रेड ल्याएका छन् ।
९५ हजार ३ सय ७ जनाले सी प्लस ग्रेड ल्याएका छन् भने ९७ हजार २ सय ९९ जनाले सी ग्रेड ल्याएका छन् । यसैगरी ४३ हजार ८ सय ४१ जनाले डी प्लस ग्रेड ल्याएका छन् ।
याे पनि पढ्नुहाेस्
