काठमाडौं, १३ असार । आफुलाई धर्तीमाता भन्दै युवतीलाई कुटपिट गर्ने एक महिलालाई प्रहरीले पक्राउ गरेको छ ।
गुल्मी घरभई बुटवल बस्ने ३२ बर्षिय बिष्णु कुँवर नाम गरेकी महिलालाई शुक्रवार विहान प्रहरीले बालाजु बाईपासबाट प्रहरीले नियन्त्रणमा लिएको हो ।
कुँवरले गत असार ५ गते आफूलाई धर्तीमाता बताउँदै काठमाडौंको भद्रकाली मन्दिरमा एक युवतीमाथि कुटपिट गरेकी थिईन् ।
युवती कुटपिट गरेको उक्त भिडियो सामाजिक सञ्जालहरुमा भाईरल भएपछि प्रहरीले यसबारेमा अनुसन्धान थालेको थियो ।
