काठमाडौं, ६ पुस । पछिल्लो २४ घण्टामा देशभर २९० जनामा कोरोना संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार १२ हजार ४७३ जनाको पीसीआर परीक्षण गर्दा २५२ जना र ४ हजार ६१६ जनाको एन्टिजेन परीक्षण गर्दा ३८ गरी २९० जनामा कोरोना भाइरसको संक्रमण देखिएको हो ।
योसँगै नेपालमा कोरोना संक्रमितको संख्या ८ लाख २६ हजार २०२ जना पुगेको छ ।
पछिल्लो २४ घण्टामा २३२ जना संक्रमण मुक्त भएका छन् । यो सहित संक्रमण मुक्त हुनेको संख्या ८ लाख ९ हजार ३८७ पुगेको छ । संक्रिय संक्रमितको संख्या ५ हजार २४२ रहेको छ ।
पछिल्लो २४ घण्टामा मृत्यु हुने संक्रमितको संख्या ३ रहेको छ । नेपालमा कोरोना मृत्यु हुनेको संख्या ११ हजार ५७७ पुगेको छ ।
